THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

Rais Dkt. Magufuli ashiriki Ibada ya Jumapili kuadhimisha siku ya Bwana ya 19 baada ya Pentekoste kanisa la Mtakatifu Albano jijini Dar es salaam

 Rais wa Jamhuri ya Muungano wa Tanzania Dkt. John Pombe Magufuli akilakiwa na Padri Jackson Sosthenes (kushoto) na Padri Johnson Lameck wakati alipowasili katika kanisa la Anglikana la Mtakatifu Albano jijini Dar es salaam kushiriki katika Ibada ya Jumapili kuadhimisha siku ya Bwana ya 19 baada ya Pentekoste asubuhi ya leo Septemba 26, 2016.
  Rais wa Jamhuri ya Muungano wa Tanzania Dkt. John Pombe Magufuli na mkewe Mama Janeth Magufuli wakishiriki katika Ibada ya Jumapili kuadhimisha siku ya Bwana ya 19 baada ya Pentekoste asubuhi ya leo Septemba 26, 2016.
   Rais wa Jamhuri ya Muungano wa Tanzania Dkt. John Pombe Magufuli na mkewe Mama Janeth Magufuli wakishiriki katika Ibada ya Jumapili kuadhimisha siku ya Bwana ya 19 baada ya Pentekoste asubuhi ya leo Septemba 26, 2016. 
   Rais wa Jamhuri ya Muungano wa Tanzania Dkt. John Pombe Magufuli akisalimia waumini katika kanisa la Anglikana la Mtakatifu Albano jijini Dar es salaam baada ya  Ibada ya Jumapili kuadhimisha siku ya Bwana ya 19 baada ya Pentekoste asubuhi ya leo Septemba 26, 2016.
Mke wa Rais Mama Janeth Magufuli akisalimia waumini wa  kanisa la Anglikana la Mtakatifu Albano jijini Dar es salaam baada ya  Ibada ya Jumapili kuadhimisha siku ya Bwana ya 19 baada ya Pentekoste asubuhi ya leo Septemba 26, 2016. Kwa picha zaidi BOFYA HAPA




Meneja Masoko wa kinywaji cha Nzagamba kanda ya ziwa, Oscar Shelukindo akizungumza wakati wa droo ya kumtafuta mshindi wa Promosheni ya shinda Ng'ombe na Nzagamba kanda ya ziwa, lililofanyika katika eneo ya Magu jijini Mwanza, ambapo mwana mama Martha Peter aliibuka mshindi na kuondoka na Ng'ombe.
Sehemu ya Wakazi wa Mji wa Magu Jijini Mwanza wakiwa wamefurika kwa wingi kwenye eneo la Uwanja wa Stendi kushuhudia Promosheni ya shinda Ng'ombe na Nzagamba kanda ya ziwa, iliyofanyika jana, ambapo mwana mama Martha Peter aliibuka mshindi na kuondoka na Ng'ombe.

Mmoja wa Washiriki wa Promosheni ya shinda Ng'ombe na Nzagamba kanda ya ziwa akichanganya karatasi wakati wa kuchezesha droo ya kumtafuta mshindi.


LUGALO GOLF CLUB BINGWA MASHINDANO YA MKUU WA MAJESHI CDF TROPHY

Mkuu wa mkoa wa Dar es Salaam Mh Paul Makonda (kushoto )akimkabidhi zawadi ya Kikombe Mshindi wa Jumla wa Kombe la Mkuu wa majeshi CDF TROPHY mpiga Golf ambaye ni Mkuu wa majeshi Mstaafu Jenerali George Watara mara baada ya mashindano katika Uwanja wa Golf Lugalo Jijini Dar es Salaam jana Septemba 24.
Mshindi wa Jumla wa mashindano ya CDF Trophy 2016 Mkuu wa majeshi mstaafu George Waitara (wa kwanza kulia)akipokea Mfano wa Tiketi ya Ndege aliyopewa baada ya kushinda Wapili kulia ni Mnadhimu mkuu wa jeshi Luteni Jenerali Venance Mabeyo,watatu Kulia ni Mkuu wa mkoa wa Dar Es Salaam Paul Makonda na Wakwanza kushoto ni mwenyekiti wa Lugalo Golf Club Brig Gen Michael Luwongo.(Picha
Mshindi wa Jumla wa mashindano ya CDF Trophy 2016 Mkuu wa majeshi Mstaafu George Waitara (wa kwanza kulia)akipiga mpira wakati wa mashindano hayo katika uwanja wa Golf Lugalo Dar es Salaam wakwanza kushoto ni katibu Mkuu Wizara ya Ulinzi Mh Job Masima.


HIVI NDIO VIKOSI VYA YANGA NA STAND UNITED VINAVYOANZA LEO

Kikosi cha Yanga dhidi ya Stand united Fc

1.Ally Mustapha
2Juma Abdul
3.Haji Mwinyi
4.Vincent Bossou
5.vicent Andrew
6.Mbuyi Twite
7. Saimon Msuva
8.Thaban Kamusoko
9.Donald Ngoma
10.Amissi Tambwe
11.Deus Kaseke

Akiba

1.Deogeatius Munish Dida
2.Hassan Kessy
3.Canavaro
4.Kelvin Yondan
5.Haruna Niyonzima
6.Juma Mahadhi
7.Obrey Chirwa
1. Frank Mwamongo 30 
2. Revocatus Richard-5
3. Adeyum
4. Erick Mulilo-13
5. Ibrahim Job-4
6. Jacob Masawe-24
7. Pastor Athanas-10
8. Geremy Katura-8
9. Kelvin Sabato-3
10. Selemani Selembe-7
11. Adam Kingwande

Akiba

1. Sebastian-8
2. Frank Hamisi-21
3. Chidiebele Abasilim-9
4. Sospeter 
5. Kanyoro-11
6. Erick-28
7. Miraji-2


JK ALIPOICHAGIZA DUNIA KUCHANGIA ELIMU MBELE YA MAELFU YA WAKAZI WA NEW YORK

Na Mwandishi Maalum,New York

Rais Mstaafu wa Tanzania, Jakaya Mrisho Kikwete, amasema, Afrika itandelea kubaki nyuma kielimu ikiwa jitihada za makusudi hazitafanyika kuwekeza katika elimu.

Ametoa kauli hiyo jana jumamosi mbele ya maelfu kwa mamia ya wakazi wa Jiji la New York waliofurika Central Park kuhudhuria tamasha maarufu lijulikanalo kama Global Citizen Festival.

Tamasha hilo ambalo hufanyika kila mwaka huwaleta pamoja viongozi kwa kada mbalimbali, wanaharakati na idadi kubwa ya waungaji mkono wa juhudi za kuutokomeza umaskini uliokidhiri na limeandalia na mtandao wa Uraia wa Kimataifa ( Global Citizen) kwa pamoja na Ushirikiano wa Kimataifa kuhusu Elimu ( Global Partnership for Education) .
Rais Mstafu Jakaya Kikwete, na Kamishna wa Kamisheni ya Kimataifa kuhusu elimu akizungumza mbele ya umati wa wakazi wa jiji la New York katika tamasha la Global Citizen Festival lililofanyika Central Park. Kupitia tamasha hilo, Kikwete aliichagiza jumuiya ya kimataifa kuchangia na kuwekeza katika elimu kwa mustakabali wa kizazi cha sasa na kijacho. Pamoja naye ni Makamishna wenzie, Waziri Mkuu wa Norway Erna Solberg na aliyekuwa Waziri Mkuu wa zamani wa Australia Julia Gillad.

Aidha fedha zinazopatika kupitia tamasha hilo hutumika katika kusaidia masuala ya kimandeleo kama yakiwamo ya afya, elimu, mazingira, usalama wa chakula pamoja na masuala yanayohusu wanawake na watoto wa kike.

Ni katika tamasha hilo ambalo mwaka huu limelenga pamoja na masuala mengine, fursa ya elimu kwa watoto wote ambapo, Rais Mstaafu Kikwete ambaye pia ni Kamishna katika Kamisheni ya Kimataifa kuhusu Elimu, ameitaka jumuiya ya kimataifa kupitia hadhara hiyo kusaidia na kuwekeza katika eneo hilo muhimu kwa mustakabali wa kizazi cha sasa na kijacho.
Umati wa wakazi wa jiji na New York waliojitokeza katika tamasha hilo fedha zinazopatikana kipitia tamasha hilo hupelekwa kusaidia masuala mbalimbali ya kijamii. Tamasha hilo lilitumbuizwa na wanamziki maafuru akiwamo Rihanna ambaye ametangazwa kuwa Balozi wa Elimu.

“ Afrika yangu, itakuwa makazi ya vijana bilioni moja ifikapo mwaka 2050, na tayari ipo nyuma kielimu” akasema Kikwete na kuongeza. “Kama hatutawawezesha vijana wote sasa kwa kuwapatia ujuzi na maarifa , uchumi utapoteza kiasi cha dola 1.8 trilioni na watoto 800 milioni hawata kuwa shuleni ifikapo mwaka 2030. 

Na hii ni gharama ya kutoelimisha sasa” Rais Mstaafu aliyezungumza na halaiki hiyo kwa pamoja na Makamishna wenzie, Waziri Mkuu wa Norway Bi. Erna Solberg na Waziri Mkuu wa zamani wa Australia, Bi. Julia Gillard ambaye ni pia ni Mwenyekiti wa Ushirikiano wa Kimataifaka kuhusu Elimu ( GPE).Amesisitiza kwamba “ Ni lazima tujenge kizazi kinachojifunza kwa kuogeza fedha kiasi cha dola 3 trilioni ifikapo mwaka 2030. Washirika wa maendeleo ni lazima waungane nasi katika misheni yetu hii, na sehemu kubwa ya fedha lazima zitoke katika vyanzo vya mapato vya ndani”.
Rais Mstaafu akibadilishana mawili matatu na Waziri wa Mazingira wa Nigeria Amina Mohammed ambaye naye alikuwa mmoja wazungumzaji katika tamasha hilo.

Katika harakati hizo za kuwafikishia fursa ya elimu watoto wote wa kike na kiume, Global Partnership for Education and Global Citizen, wamemtangaza mwanamziki maarufu wa Marekani Rihanna kuwa Balozi wa Elimu ambapo kupitia Taasisi yake ya Clara Lionel watafanya kampeni ya pamoja na Global Partinship for education na Global Citizen kuhakikisha kwamba watoto wote wa kike na wa kiume wanapa fursa ya elimu bora.

Jukumu jingine la mwanamsiki huyo ni pamoja na kuwahamasisha viongozi wa dunia kuunga mkono uwekezaji katika elimu nchini mwao.

Rihanna na wanamziki wengine maaufu alitumbuiza katika tamasha hilo.
Rais Mstaafu Kikwete akisalimiana na Balozi wa Marekani katika Umoja wa Mataifa, Samantha Power walipokutana kwenye tamasha hilo.


KUNDI LA MAKOROKOCHO TOKA TEMEKE LAIBUKA WASHINDI WA DANCE 100% 2016 CHINI YA VODACOM TANZANIA

 Mkuu wa Mawasiliano na Uhusiano wa Vodacom Tanzania, Jacquiline Materu ( wa pili kulia) akisaidiwa na Meneja Uhusiano wa kampuni hiyo, Matina Nkurlu, kugawa simu kwa washindi wa mashindano yaliyodhaminiwa wa Vodacom Tanzania ya Dance 100% 2016 katika viwanja vya Don Bosco Upanga jijini Dar es Salaam mwishoni mwa wiki. Makorokocho waliibuka washindi wa shindano hilo kwa mwaka 2016.
Wasanii wa kundi la Makorokocho wakifanya vitu vyao kwenye fainali ya mashindano yaliyodhaminiwa na Vodacom Tanzania ya Dance 100% 2016 katika viwanja Vya Don Bosco Upanga jijini Dar es Salaam mwishoni mwa wiki. Makorokocho waliibuka washindi wa shindano hilo kwa mwaka 2016.


RAIS WA ZANZIBAR AENDESHA HARAMBEE KUCHANGIA UJENZI WA TAASISI YA MWANAHARAKATI BIBI SITI BINTI SADI

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein akimkabidhi picha ya kuchora Mmiliki na Mkurugenzi wa Kampuni ya Pennyroyal Brian Thomson (kulia) iliyonadishwa na kuinunua kwa Shilingi za Kitanzania Milioni nane (8) pia akiwa amechangia Shilingi Milioni Ishirini na tano katika Harambee ya kuchangia ujenzi wa Taasisi ya Mwanaharakati Bibi Siti Binti Sadi,hafla ilifanyika jana katika Ukumbi wa Hayat Hotel Mjini Unguja.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akitoa maelezo wakati akimkabidhi picha ya kuchora Mmiliki na Mkurugenzi wa Kampuni ya Pennyroyal Brian Thomson (kulia) iliyonadishwa na kuinunua kwa Shilingi za Kitanzania Milioni nane(8) pia akiwa amechangia Shilingi Miliion Ishirini na tano katika Harambee ya kuchangia ujenzi wa Taasisi ya Mwanaharakati Bibi Siti Binti Sadi,hafla iliyofanyika jana katika Ukumbi wa Hayat Hotel Mjini Unguja


Jarida la Forbes lasifu uwezo wa Bombardier: Latabiri zitakuwa ndio nguzo ya usafiri wa ndani Marekani Uwezo wake, usalama na matumizi ya mafuta kushusha bei

Na Mwandishi Wetu
WAKATI Serikali ya Tanzania ikiwa imenunua ndege mbili za aina ya Bombardier Dash8 Q400 kutoka Canada, imebainika na kusisitizwa kuwa ndege hizo zina usalama mkubwa, zinatumia mafuta kidogo na kutabiriwa kuwa nguzo muhimu kwa usafiri wa bei chee wa ndani ya nchi mbalimbali.
Hayo yamo katika makala iliyoandikwa na kuchapishwa na jarida mashuhuri duniani la Forbes ikiwa na anuani “Can Bombardier’s Q400 Save Regional  Air Service in the US?” ambapo mwandishi anafafanua faida za ndege hizo ikilinganishwa na nyingine zinazofanya usafiri wa ndani Marekani.
“Bombadia ina kasi nzuri na ya kutosheleza mahitaji ya safari za ndani kwa kiwango cha kuwa na faida zaidi kibiashara ikilinganishwa na ndege nyingine za aina yake kama ATR,” linaandika Forbes.
Faida nyingine inayotajwa ya Bombardier ni matumizi ya mafuta. Forbes wanaandika kuwa ndege hizo zina uwezo wa kutumia mafuta kidogo sana kiasi kwamba hata bei ya tiketi zake itakuwa chini na kuwasaidia abiria wengi wa ndani.
“Kutumia kwake mafuta kiasi kunaifanya Bombardier kuwa na ufanisi wa asilimia kati ya 48 mpaka 50 za kuwa bora zaidi ya ndege nyingine za ukanda huu,” linaandika Forbes.
Forbes wanasisitiza kuwa kutokana na gharama za matengenezo kupanda, na gharama nyingine za uendeshaji ikiwemo mishahara mizuri kwa marubani, kuna uwezekano mkubwa kwa Bombardier kuendeshwa kwa bei rahisi na ikauza tiketi kwa bei rahisi zaidi kuliko ndege nyingine.
“Kwa sasa tunakadiria kuwa ndege aina ya Bombardia ndio zitakuwa mbadala na zitashika njia nyingi za ndani (Marekani) kwa kiasi cha asilimia 50 hadi 60 na zitasaidia kurejesha usafiri uliositishwa (kutokana na gharama kubwa kwa ndege nyingine) katika viwanja takribani 20,” linaandika zaidi Forbes.
Akikaririwa katika makala hiyo,  Mike Arcamone, Rais wa Masuala ya Biashara wa Bombardier anasema wasiwasi wa awali wa abiria kuhusu ndege hizo kutumia mfumo wa turbo sasa umeondoka kwa kuwa injini na dizaini ya kisasa ya ndege hizo inaifanya isiwe na kelele kama ilivyodhaniwa.
“Wanunuzi wengi wa ndege hizi wamebaini kuwa hazina kelele na watumiaji wengi wanaamini kuwa zinaweza kuwa mbadala wa ndege nyingine za bei nafuu,” anasema afisa huyo kauli inayokubaliwa na wachambuzi wa Forbes.
Tayari Serikali ya Tanzania imeahidi kuleta ndege nyingine ya pili wiki hii baada ya ile ya kwanza kuwasili nchini wiki iliyopita ukiwa ni mkakati na utekelezaji wa ahadi ya Rais John Pombe Magufuli ya kulifufua Shirika la Ndege Tanzania (ATCL).

Kuwasili kwa ndege hizo kunaashiria mengi lakini muhimu ni uthabiti wa ahadi za Dkt. Magufuli akiwa ndani ya kipindi cha mwaka mmoja wa uongozi wake, ambapo mambo mengi makubwa ambayo ameyaahidi ameanza kuyafanyiakazi na kuwakuna wengi nchini na nje ya nchi.


VIONGOZI WA VYAMA VYA SIASA WATAKIWA KUMUENZI MWALIMU NYERERE KWA VITENDO

Mkurugenzi wa Uchaguzi wa Tume ya Taifa ya Uchaguzi (NEC) Kailima Ramadhani akiwasili nyumbani kwa familia ya Baba wa Taifa Mwalimu Julius Kambarage Nyerere, Butiama Musoma akiwa ameambatana na watumishi wa NEC na baadhi ya wajumbe wa mkutano wa ALAT kutoka maeneo mbalimbali kuzuru kaburi la Baba wa Taifa, Mwitongo wilayani Butiama. Tume ya Taifa ya Uchaguzi iko mkoani Mara kutoa elimu ya mpiga kura kwa wananchi. 

Na. Aron Msigwa – NEC, Musoma.

Viongozi wa vyama vya Siasa wametakiwa kuiga kwa vitendo uzalendo na moyo wa kujitoa aliokuwa nao Baba wa Taifa Mwalimu Julius Kambarage Nyerere enzi za uhai wake ili kuliwezesha Taifa kupiga hatua kimaendeleo.

Kauli hiyo imetolewa na Mkurugenzi wa Uchaguzi wa Tume ya Taifa ya Uchaguzi (NEC) Bw. Kailima Ramadhani mara baada kutembelea Kaburi na Makumbusho ya Baba wa Taifa Mwalimu Julius Kambarage Nyerere eneo la Mwitongo wilayani Butiama.

Amesema kuwa kumbukumbu za Baba wa Taifa zilizohifadhiwa vizuri katika makumbusho hiyo zina mambo mengi ya kujifunza ambayo wanasiasa wanatakiwa kuyafanya kwa vitendo hasa uzalendo kwa nchi, uvumilivu, upendo na moyo wa kujitoa kwa dhati kuwatumikia wananchi.
Mkurugenzi wa Uchaguzi wa Tume ya Taifa ya Uchaguzi (NEC) Kailima Ramadhani (Kushoto) akisalimiana na Msemaji Mkuu na kiongozi wa familia ya Baba wa Taifa Chifu Japhet Wanzagi (kulia) mara baada ya kuwasili eneo la Mwitongo wilayani Butiama. Wa Pili kutoka Kushoto ni Mkuu wa wilaya ya Butiama Bi. Annarose Nyamubi.

“Kupitia kumbukumbu hizi sisi watumishi wa Tume tumejifunza ukomavu wa demokrasia aliokuwa nao Mwalimu Nyerere akiwa ndani na nje ya Bara la Afrika, wengi wanadhani Demokrasia ni wakati wa uchaguzi tu, kumbe demokrasia ni pamoja na kuheshimu watu wengine” Amesema Kailima.

Ameeleza kuwa maisha aliyoishi Baba wa Taifa ni mfano wa kuigwa na viongozi na watanzania wote hasa pale alipojitofautisha na viongozi wengi wa Bara la Afrika alipoepuka tamaa ya madaraka na mali kwa manufaa ya taifa.

“Sote ni mashahidi kupitia kumbukumbu zake tumeona mahali alipokuwa anaishi mwalimu Nyerere kabla hajajengewa nyumba na Jeshi, kama Rais mstaafu wengi walitegemea asingeishi katika eneo lile, kumbukumbu hii nzuri aliyoiacha inatufundisha watanzania kuwa mwalimu aliitanguliza Tanzania mbele kuliko maslahi yake binafsi” Amesisitiza Kailima.

Mkurugenzi wa Uchaguzi wa Tume ya Taifa ya Uchaguzi (NEC) Kailima Ramadhani akiwasha mshumaa kwenye kaburi la Baba wa Taifa Mwalimu Julius Kambarage Nyerere eneo la Mwitongo, Butiama. Wengine wanaoonekana na baadhi ya wajumbe wa mkutano wa ALAT na watumishi wa Tume ya Taifa ya Uchaguzi (NEC).


Bw. Kailima amebainisha kuwa NEC itaendelea kumuemzi Baba wa Taifa kwa yale aliyoyafanya na kuyasimamia kwa manufaa ya taifa huku akitoa wito kwa viongozi wa vyama vya Siasa wawe na kiasi na waridhike na vile walivyonavyo.


UJENZI WA BARABARA ZA ARUSHA KUKAMILIKA MWAKANI

Waziri wa Ujenzi, Uchukuzi na Mawasiliano Profesa Makame Mbarawa amemtaka mkandarasi M/S Hanil Jiangsu J/V anayejenga barabara ya Sakina-Tengeru yenye urefu wa KM 14.1 na barabara ya mchepuo (Arusha bypass) yenye urefu wa KM 42.4 kuhakikisha barabara hizo zinakamilika ifikapo mwezi Machi na Oktoba mwakani.

Profesa Mbarawa amesema hayo mara baada ya kukagua ujenzi barabara hizo na kujiridhisha na hatua iliyofikiwa kwa barabara zote.

“Meneja hakikisha ujenzi wa barabara hizi unakwenda sambamba na ujenzi wa sehemu ya barabara inayoelekea Ikulu ya mjini Arusha ili kuiunganisha vizuri barabara hiyo kwa kiwango cha lami”, amesema Prof. Mbarawa.
Waziri wa Ujenzi, Uchukuzi na Mawasiliano Profesa Makame Mbarawa akielekea kukagua kingo za Daraja la Themi linalojengwa katika barabara ya Sakina-Tengeru yenye urefu wa KM 14.1 jijini Arusha.

Amemtaka Mkuu wa Wilaya ya Arusha Bw. Gabriel Daqarro kushirikiana na Wakala wa Barabara nchini (TANROADS), mkoani humo kuhakikisha maji yanayopita kwenye madaraja yaliyopanuliwa kufuatia ujenzi unaoendela hayasababishi mafuriko kwenye makazi ya wananchi.

Kwa upande wake Meneja wa TANROADS mkoa wa Arusha Eng. Johnny Kalupale amemhakikishia Waziri Prof. Mbarawa kuwa ujenzi wa barabara mkoani Arusha utakamilika kwa wakati na ubora unaotakiwa.

“Tumejipanga kuhakikisha barabara ya Sakina-Tengeru na ile ya mchepuo zote zitakamilika kama ilivyopangwa ili kupunguza msongamano hali itakayovutia ongezeko la watalii na hivyo kukuza uchumi wa mkoa wa Arusha”, amesema Eng. Kalupale. Katika hatua nyingine Waziri Prof. Mbarawa amekagua uwanja wa ndege wa Arusha na kusisitiza kuwa nia ya Serikali ni kuupanua uwanja huo ambao ni wa nne kwa uingizaji wa mapato nchini ili kuondoa msongamano uliopo sasa.
Waziri wa Ujenzi, Uchukuzi na Mawasiliano Profesa Makame Mbarawa akipata maelezo kutoka kwa Mhandisi Mkazi Shin Pil Soo wakati akikagua Daraja la Nduruma lenye urefu wa mita 60 linalojengwa katika barabara ya Sakina-Tengeru yenye urefu wa KM 14.1 jijini Arusha.

“Wakati Serikali tunajipanga kuongeza uwanja huu na nyinyi mjipange kuongeza mapato ili jitihada za Serikali ziendane na ubunifu wa watendaji”, amesisitiza Prof. Mbarawa.

Naye Meneja wa Mamlaka ya Viwanja vya Ndege nchini (TAA), mkoa wa Arusha Bw. Elipid Tesha amesema uwanja huo ambao ni kitovu cha utalii katika ukanda wa Kaskazini ukiongezwa utaruhusu ndege nyingi kutua na hivyo kuuongezea mapato ambapo kwa sasa takribani miinuko 110 ya ndege hufanyika kila siku katika uwanja huo.

“Kwa sasa uwanja wa ndege wa Arusha una barabara ya kurukia yenye urefu wa KM 1.6 hali inayosababisha baadhi ya ndege kushindwa kuutumia ila mkakati wa uwanja huo ni kuuongeza uwe na urefu wa KM 2.5”, amesisitiza Bw. Tesha. Uwanja wa Ndege wa Arusha uliojengwa mwaka 1956 ikiwa ni mkakati wa kuboresha huduma za utalii katika mkoa huo uko KM 7 kutoka Arusha Mjini na una eneo la ekari 280 na uzio unaoimarisha usalama wakati wote.

Muonekano wa juu wa Daraja la Nduruma lenye urefu wa mita 60 linalojengwa katika barabara ya Sakina-Tengeru yenye urefu wa KM 14.1 jijini Arusha.

BOFYA HAPA KWA PICHA ZAIDI


TANROADS NA TBA ZAAGIZWA KUFANYA TATHMINI KWENYE MIUNDOMBINU YA BARABARA NA MAJENGO YA SERIKALI

Katibu Mkuu wa Wizara ya Ujenzi, Uchukuzi na Mawasiliano (Sekta ya Ujenzi), Eng. Joseph Nyamhanga  ameuagiza  uongozi wa Wakala wa Barabara Tanzania (TANROADS), na Wakala wa Majengo Nchini (TBA), mkoa wa Kagera kufanya tathmini ya kina kwenye miundombinu ya barabara, madaraja na majengo ya Serikali yalioathirika na tetemeko la ardhi.

Eng. Nyamhanga ametoa agizo hilo Mkoani Kagera mara baada ya kukagua athari za tetemeko la ardhi katika barabara za Bukoba- Mtukula, Kyaka-Bugene na jengo la Kituo cha Pamoja cha Forodha cha Tanzania na Uganda  ambapo amesema ni muhimu kufanya utafiti wa kitaalam katika miundombinu hiyo kabla ya hatua za ukarabati kuanza.

Amesema kufanyika kwa utafiti huo utasaidia kubaini athari nyingine zilizojificha ambazo zimetokana na tetemeko hilo.
“Undeni kikosi kazi cha wataalam maramoja waweze kuchunguza ili kujua sehemu mbalimbali zilizoathirika ili tuweze kuzitengeneza mapema iwezekanvyo”, amesema Eng. Nyamhanga.

Katika hatua nyingine Eng. Nyamhanga amemuagiza Mkandarasi wa Kampuni ya M/S China Henan International Cooperation Group Co. Ltd (CHICO) inayojenga barabara ya Kyaka-Bugeni (KM 59.1) kumaliza kipande cha Kilomita mbili katika barabara hiyo ifikapo mwezi Disemba mwaka huu.

Amesema kuwa kukamilika kwa kipande hicho kutaimarisha hali ya usafiri wa wananchi katika wilaya za Bukoba na Karagwe na hivyo kuhuisha shughuli za kiuchumi kwa wakazi wa Mkoa wa Kagera.
Eng. Nyamhanga yupo mkoani Kagera kukagua athari za uharibifu wa miundombinu kufuatia tetemeko la ardhi lililopiga mikoa ya Kagera, Mara na Mwanza Septemba 10 mwaka huu na kusababisha vifo vya watu takribani 17, majeruhi zaidi ya 100, uharibifu wa nyumba takribani 800 na miundombinu.
Katibu Mkuu wa Wizara ya Ujenzi, Uchukuzi na Mawasiliano (Sekta ya Ujenzi), Eng. Joseph Nyamhanga (kushoto) akikagua sehemu ya barabara ya Bukoba-Mtukula ambayo imepata athari kutokana na tetemeko la ardhi lilitokea Mkoani Kagera hivi karibuni. Kushoto ni Meneja wa Wakala wa Barabara nchini (TANROADS), Mkoa wa Kagera Eng. Andrea Kasamwa.
Katibu Mkuu wa Wizara ya Ujenzi, Uchukuzi na Mawasiliano (Sekta ya Ujenzi), Eng. Joseph Nyamhanga (kushoto), akitoa maelekezo kwa Meneja wa Wakala wa Barabara nchini (TANROADS) Mkoa wa Kagera Eng. Andrea Kasamwa (kulia) wakati alipokagua Daraja la Kyaka katika Mto Kagera.
Katibu Mkuu wa Wizara ya Ujenzi, Uchukuzi na Mawasiliano (Sekta ya Ujenzi), Eng. Joseph Nyamhanga (wa pili kulia) akitoa maelekezo kwa Mkandarasi wa kampuni ya M/S China Henan International Cooperation Group Co. Ltd (CHICO) inayojenga barabara ya Kyaka-Bugeni (KM59.1), Mkoani Kagera.


RATIBA FUPI YA MAZISHI YA MWANAHABARI ADOLF KIVAMWO TAREHE 25/9/2016




Saa 3: Mwili wa marehemu kuwasili nyumbani
Saa 3-4 Chakula
Saa 4:30: Ibada fupi
Saa 5: Safari kuelekea Leaders club
Saa 6: Kuwasili Leaders Club
Saa 6-7:Ibada ya maazishi Viwanja vya leaders
Saa 7-8 Makaburi ya Kinondoni Dar es salaam.


WAZIRI MKUU MAJALIWA ATEMBELEA KIWANDA CHA SAMAKI, MAFIA, ATAKA DORIA KUZUIA UVUVI HARAMU ZIIMARISHWE

WAZIRI MKUU Kassim Majaliwa amewaagiza mkuu wa wilaya ya Mafia mkoani Pwani, Bw. Shaib Nnunduma pamoja na mkurugenzi wa halmashauri hiyo Bw. Eric Mapunda kuimarisha doria kwenye eneo la bahari ili kuzuia uvuvi haramu. 
Amesema vitendo vya uvuvi haramu vinavyoendelea katika wilaya hiyo vinapaswa kudhibitiwa haraka kwa sababu vinasababisha halmashauri hiyo kukosa mapato na kushindwa kuboresha maendeleo ya wananchi. 
Waziri mkuu ametoa agizo hilo kwa nyakati tofauti leo (Jumamosi, Septemba 24, 2016) wakati alipotembelea kiwanda cha samaki cha Tanpesca na alipowahutubia wananchi katika mkutano wa hadhara uliofanyika kwenye kijiji cha Kirongwe wilaya ya Mafia. 
Amesema uvuvi ndiyo shughuli kuu ya uchumi na chanzo muhimu cha mapato kwa wilaya ya Mafia na suala la uvuvi haramu linaathiri sana mapato ya halmashauri hivyo ni vema wakaimarisha doria ili kukomesha vitendo hivyo.
“Lazima jambo hili lidhibitiwe. Uvuvi wa kutumia mabomu unaharibu mazingira ya chini ya bahari hivyo samaki wanashindwa kuzaliana kwa wingi. Hakikisheni watu hao wanakamatwa na kuchukuliwa hatua ikiwa ni pamoja na kuteketeza zana wanazotumia,” amesema.
Naye Mkurugenzi wa kampuni ya Alphakrust inayomiliki kiwanda cha Tanpesca, Ganeshen Vedagiri amesema kampuni hiyo imeajiri watumishi 855 kati yake 445 ni wakazi wa wilaya ya Mafia huku wanawake wakiwa 250.
Amesema wanajumla ya mabwawa 76 ya kufugia samaki aina ya kamba na kwa sasa yanayotumika ni 30 na kila moja lina uwezo wa kuzalisha kilo 5,000 katika siku siku 150 na kufanikiwa kuvuna tani 300 kwa mwaka.
Mkurugenzi huyo amesema katika kipindi cha mwaka wa fedha wa 2016.2017 wanatarajia kupata wastani wa sh. bilioni 120 katika mauzo ya nje na sh. bilioni 62 kutoka katika mauzo ya ndani. Wanaltarajia kulipa kodi ya zaidi ya bilioni 15 kwa mwaka huu.
Kwa upande wake Mohamed Gomvu ambaye ni Diwani wa kata ya Kirongwe na Mwenyekiti wa halmashauri ya wilaya ya Mafia alisema maeneo yaliyoathirika zaidi na uvuvi haramu ni vijiji vya Ndagoni (Kiega), Kifinge, Chunguruma (Tumbuju) na kisiwa cha Nyororo.
Amesema jambo linalokwamisha ukamatwaji wa uvuvi haramu ni kutokana na watumishi kukosa uamini na kuvujisha siri kwa wavuvi hao hivyo wanashindwa kuwanasa kwenye mitego yao.
Waziri Mkuu, Kassim Majaliwa (kulia) akitazama samaki aina ya pweza wakati alipotembelea kiwanda cha samaki cha TANIPESCA eneo la Kilindoni wilayani Mafia, Mkoani Pwani.  Septemba 24, 2016. 
 Waziri Mkuu, Kassim Majaliwa (kulia) akiwa ameshika moja ya samaki aina ya pweza wakati alipotembelea kiwanda cha samaki cha TANIPESCA eneo la Kilindoni wilayani Mafia Septemba 24, 2016.


SERIKALI KUFANYA ZOEZI LA UTAMBUZI NA USAJILI KWA WATUMISHI WAKE KUANZIA OKTOBA 3

Na Frank Shija, MAELEZO
SERIKALI inatarajia kufanya zoezi la utambuzi na usajili wa taarifa za watumishi wa umma kuanzia tarehe 3 Oktoba ili kutoa vitambulisho vya Taifa vilivyo na taarifa zote muhimu za mtumishi husika.
Hayo yamebainisha na Waziri wa Nchi, Ofisi ya Rais, Menejimenti ya Utumishi wa Umma na Utawala Bora Angellah Kairuki alipokutana na waandishi wa habari ofisini kwake leo Jijini Dar es Salaam.
Kairuki amesema kuwa zoezi hilo la utambuzi na usajili wa wananchi ambalo linaanza na watumishi wa umma ni muhimu na litasaidia kupunguza gharama kwa Serikali na kuondoa usumbufu kwa wananchi kwani taarifa zao zote muhimu zitakuwa sehemu moja hivyo kupunguza kero ya kuulizwa taarifa kila uendapo.
Waziri Kairuki amesema kuwa zoezi hilo litashirikisha Wizara yake pamoja na Wizara ya Mambo ya Ndani ya Nchi kupitia  Mamlaka ya Vitambulisho vya Taifa (NIDA), ambapo taarifa zitakazotumika ni zilizilizopo katika vitambulisho vya mpiga kura.
“Kama mnavyofahamu kuwa Serikali ipo katika maboresho makubwa ya utendaji wake, hivyo ili kuendana na hali hiyo tutaanza zoezi la utambuzi na usajili wa watumishi wa umma kuanzia tarehe 3 Oktoba, zoezi litakalochukua takribani wiki mbili, zoezi hili ni muendelezo wa Serikali kukabiliana na matatizo ya kutokuwa na taarifa sahihi.” Alisema Kairuki.
Aidha Kairuki amewata watumishi wote wa umma kushiriki zaoezi hilo wakiwa na taarifa zote muhimu zinazowatambulisha ambazo ni pamoja na Cheti cha kuzaliwa, vyeti vya elimu, kitambulisho cha kazi, Kitambulisho cha Mzanzibar Mkazi, hati ya malipo ya Mshahara, hati ya kusafiria na kadi ya mpiga kura.
Waziri huyo ametoa wito kwa waajiri kuweka mazingira wezesha ili kufanikisha zoezi hilo ikiwemo kutenga ofisi itakayotumiwa na kwa kazi hiyo pamoja na kusisitiza waajiri wahakikishe watumishi wao wanasajiliwa bila kukusa na taarifa ya zoezi hilo iwasilishe Ofisi ya Rais, Menejimenti ya Utumishi wa Umma na Utawabora ndani ya siku 14 tangu zoezi hilo kukamilika kwake.
Kwa upande wake Katibu Mkuu wa Ofisi ya Rais, Menejimenti ya Utumishi wa Umma na Utawala Bora Dkt. Laurian Ndumbaro amewataka watumishi wote wa umma kulipa umuhimu mkubwa zaozi hilo na kusisitiza kuwa Serikali haita sita kucghukua hatuia za kinidhamu kwa mujibu wa kanuni za utumishi wa umma kwa mtumishi yeyote atakaye kaidi zoezi hilo.
Awali akijibu swali la mwandishi wa habari kuhusu namna zoezi hilo litakavyotekelezwa nchi znima kwa muda wa wiki mbili tu, Kaimu Mkurugenzi wa Mamlaka ya Vitambulisho vya Taifa (NIDA) Mohammed Khamis Abdallah amesema kuwa zoezi hilo litafanikiwa kwani wanao wafanyakazi zaidi ya 460 nchini nzima ambao wapo katika Ofisi za Halmashauri.
Pia aligusia suala la vifaa na kusema kuwa tayari wamewasiliana na Tume ya Taifa ya Uchaguzi ambayo imewapa mashine za BVR kwa ajili ya kuzitumia katika zoezi hilo la utambuzi na usajili.

Zoezi la utambuzi na usajili wa wananchi hasa watumishi wa uuma kukabiliana na vyanzo vya watumishi hewa kwa kuunganisha mifumo ya utambuzi wa watu na mifumo mingine ikiwemo usimamizi wa rasilimali watu na mishahara katika utumishi wa umma ambapo kuunganishwa kwa mifumo hiyo kutawezesha mifumo hiyo kuwasiliana na kutumia taarifa zilizo kwenye kanzi data ya NIDA suala litakalokuwa limerahisisha upatikanaji wa taarifa.
Waziri wa Nchi Ofisi ya Rais, Menejimenti ya Utumishi wa Umma na Utawala Bora, Angella Kairuki akizungumza na waandishi wa habari leo Jijini Dar es Salaam, kuhusu zoezi la utambuzi na usajili wa vitambulisho kwa watumishi wa umma litakaloanza tarehe 03 Oktoba. Kulia kwake ni Katibu Mkuu wa Ofisi hiyo Dkt. Laurian Ndumbaro na Afisa Mtendaji Mkuu wa Wakala wa Serikali Mtandao (EGA), Dkt. Jabir Bakari
 Kaimu Mkurugenzi Mkuu wa Mamlaka ya Vitambulkisho vya Taifa (NIDA), Mohammed Khamis Abdallah akifafanua jambo mbele ya waandishi wa habari leo Jijini Dar es Salaam, kuhusu zoezi la utambuzi na usajili wa vitambulisho kwa watumishi wa umma litakaloanza tarehe 03 Oktoba . Kulia ni Afisa Mtendaji Mkuu wa Wakala wa Seerikali Mtandao (EGA), Dkt. Jabir Bakari.Picha na: Frank Shija, MAELEZO.


VIJIJI 24 WILAYANI KASULU KUPATA UMEME WA REA AWAMU YA PILI HADI MWISHONI MWA OKTOBA MWAKA HUU



Waziri wa Nishati na Madini, Profesa Sospeter Muhongo (wapili kulia) akizungumza na wananchi katika kijiji cha Mugombe wilayani Kasulu. Kulia ni Mbunge wa Kasulu, Daniel Nsanzugwanko na kulia kwa Waziri ni Mkuu wa Wilaya ya Kasulu, Kanali Martin Mkisi.
Mkuu wa Wilaya ya Kasulu, Kanali Martin Mkisi akizungumza na wananchi wakati wa Ziara ya Waziri wa Nishati na Madini Prof Sospeter Muhongo
Waziri wa Nishati na Madini Prof Sospeter 
Muhongo akizungumza na wananchi. 

WANANCHI wa Wilaya ya Kasulu Mkoani Kigoma, wanataraji kuanza kufaidi umeme wa REA pindi awamu ya pili ya mradi huo itakapo kamilika mwishoni mwa  Octoba 2016.
Hayo yamesemwa na Waziri wa Nishati na Madini Prof Sospeter Muhongo, alipotembelea miundombinu ya Umeme wa REA katika Wilaya ya Kasulu.
Waziri Muhongo yupo katika ziara ya siku tano mkoani Kigoma kuangalia utekelezaji wa awamu ya pili ya miradi ya REA mkoani humo na Wilayani Kasulu aliongozwa na Mkuu wa Wilaya hiyo Kanali Martin Mkisi.
Prof Muhongo, akiambatana na Wahandisi wa Tanesco, REA na Wakandarasi wanaojenga miundombinu hiyo, wamezungumza na wananchi katika kijiji cha Mugombe na Heru Juu Wilayani Kasulu.
 Aidha katika awamu ya tatu, vijiji vipatavyo 29 vitakamilishiwa huduma hiyo muhimu kwa maendeleo ya kijamii na kiuchumi.
Kwa Upande wake Mkuu wa Wilaya ya Kasulu, Kanali Martin Mkisi, amewataka wananchi kutunza miundombinu ya umeme, kuchangamkia fursa za kufunga umeme wa bei rahisi na kujitokeza kwa wingi kwenye  mafunzo yatakayotolewa na Tanesco kuhusu umeme wa REA.
Pia amewaagiza wakandarasi kukamilisha usambazaji wa huduma hiyo ifikapo Octoba 30 mwaka huu bila kuongeza siku hata moja.